Saraj – A po ndodh një marrëveshje e heshtur mes BDI-së dhe Arben Taravarit? Kjo është pyetja që ka filluar të qarkullojë pas zhvillimeve të fundit në komunën e Sarajit, ku disa struktura të Aleancës për Shqiptarët nuk kanë bojkotuar aktivitetet politike, por janë parë në mbështetje të BDI-së.
Edhe pse zyrtarisht nuk ka deklarata për një bashkëpunim, burime lokale flasin për një afrim të dukshëm mes palëve, që ngre dyshime për prapaskena politike dhe pazare nën tavolinë.
Megjithatë, Dega e ASH-së në Saraj deklaron se mbetet e palëkundur në rrugën e ndryshimit, siç ka kërkuar elektorati dhe baza partiake. Sipas tyre, çdo përpjekje për t’i devijuar nga kjo rrugë do të hasë në kundërshtim të qartë.
Ky zhvillim vjen në një moment kritik për opozitën shqiptare, ku lëvizjet dhe pozicionimet e figurave kyçe mund të përcaktojnë të ardhmen politike të subjekteve në skenë.
