Ministri i Punëve të Brendshme Pançe Toshkovski sot (29.08.2024) ka zhvilluar takim pune me ambasadorin e Republikës së Turqisë, Fatih Ulusoy.
“Në takim u konfirmua se Turqia është një nga partnerët tanë më të afërt, si dhe një aleat i rëndësishëm në NATO, dhe marrëdhënia e ndërsjellë miqësore dhe partneriteti është e plotësuar nga bashkëpunimi i fortë ekonomik, tregtar, i sigurisë dhe kulturor për të cilin vendet mbeten të përkushtuara”, deklaroi ministri Toshkovski.
Ministri Toshkovski gjithashtu shprehu mirënjohje të madhe për përgjigjen e shpejtë të thirrjes për ndihmë në luftimin e zjarreve, sepse Turqia ishte vendi i parë që dërgoi ndihmë nga dy avionë dhe një helikopter, i cili mori pjesë në shuarjen e zjarreve.
Në fokus të takimit ishte edhe marrëveshja për bashkëpunim në fushën e sigurisë ndërmjet qeverisë së Maqedonisë dhe asaj turke, e cila është në fazën përfundimtare, e cila do të hap hapësirë për bashkëpunim shumë më intensiv në luftën kundër terrorizmit, krimit të organizuar transnacional dhe migrimit ilegal. U diskutua edhe për nismën për bashkëpunim më intensiv ndërmjet qendrave të trajnimit të shërbimeve policore të dy vendeve, si vazhdimësi e bashkëpunimit të shkëlqyer të mëparshëm me akademinë e policisë turke, e cila ofron bursa studimi për studentët e sigurisë nga RMV si dhe për anëtarët e Ministrisë së Brendshme në studimet universitare dhe pasuniversitare.
