Një tjetër shuplakë diplomatike nga partneri ynë më i rëndësishëm strategjik – SHBA. Kështu thuhet në komunikatën e partive opozitare shqiptar, në të cilën ata shtojnë se partizimi i gjyqësorit ka një ekzekutues dhe formë që quhet BDI-zimi horizontal dhe vertikal i organeve të drejtësisë.
“Shembulli i fundit i kësaj është sulmi i orkestruar ndaj kryetares së Gjykatës Supreme, Besa Ademi, i cili duhej të përfundonte me largimin e saj. Motivi i këtij linçimi partiak të BDI-së ishte refuzimi i krijimit të bazës ligjore për kthimin e Gruevskit nga Budapesti. Nuk ka shtet ligjor, barazi para ligjit dhe drejtësi të pavarur me Ali e Drin Ahmetin, Bujar Osmanin e Artan Grubin dhe kuadrot e tyre të instaluar në drejtësi. Prandaj, pas datës 8 maj, Koalicioni VLEN do të krijojë të gjithë mekanizmat e nevojshëm kushtetues dhe ligjorë për krijimin e një gjyqësori evropian”, thuhet në komunikatën e VLEN-it.
