Lista pozitive e barnave nuk ka ndryshuar prej më shumë se 13 vitesh dhe përmban barna të vjetruara që tashmë janë hequr nga përdorimi në vende të tjera dhe nuk përdoren më nga askush.
Barnat e reja nuk janë në dispozicion për një dekadë dhe pacientët duhet të paguajnë shuma të mëdha parash për të marrë terapinë e nevojshme. Njerëzit duhet të shesin shtëpi dhe apartamente, të marrin kredi për të blerë terapinë e tyre.
Sipas informacioneve, rreth 14 komisione nën ombrellën e Ministrisë së Shëndetësisë, të krijuara në kohën kur ministër i Shëndetësisë ishte Nikolla Todorov, prej dhjetë vitesh “marrin” vendime se cilat barna duhet të jenë në këtë listë, por deri më tani nuk kanë bërë asgjë, ose më mirë nuk kanë vënë asnjë ilaç të ri që do t’i ndihmonte pacientët.
Disa prej tyre paguajnë nga 500 deri në 1500 euro për të marrë një ilaç, i cili në Maqedoni nuk mund të gjendet në këtë listë të barnave, të cilat janë të nevojshme për jetën e dikujt.
“Unë nuk e di çfarë të them. Shumë ilaçe që përdoren prej vitesh në vendet fqinje nuk gjenden me recetë në vendin tonë, por ne i blejmë me paratë tona. Em terapia është e nevojshme për ne, em duhen shumë para se është fjala për barna të shtrenjta.
Ka barna që mund të blihen, por ka edhe mjaft të shtrenjta që jo të gjithë mund të përballojnë një sasi kaq të madhe çdo muaj. Është koha ta ndryshojmë këtë”, përgjigjet një paciente 56-vjeçare, e cila prej kohësh merr medikamente nga jashtë.
