Mevludin Avdiu, drejtor i NP Agro-Bursa Shkup, kuadër që vjen nga Alternativa – dega në Likovë, ka njoftuar opinionin se pas thuajse 50 viteve, për herë të parë janë rinovuar zyrat e kësaj ndërmarrjeje publike.
Ai poashtu ka përmendur edhe një sërë aktivitetesh të cilat planifikohen të realizohen në periudhën në vijim.
“Sot, gjatë një vizite pune në sillosat që janë nën menaxhim të NP Agro-Bursa Shkup, u njoha me aktivitetet aktuale dhe sfidat me të cilat përballen punonjësit në realizimin e aktiviteteve të tyre të përditshme. Jam veçanërisht krenar dhe i kënaqur që kjo vizitë pune u realizua në zyrat e renovuara. Renovimi i zyrave, i cili është i pari i këtij lloji që nga ndërtimi i këtij objekti në vitin 1976, është kryer nga NP Agro-Bursa Shkup nga të ardhurat e vetanake dhe ka për qëllim përmirësimin e kushteve të punës së punonjësve në kompaninë tonë. Ky është vetëm fillimi i aktiviteteve që planifikohen të realizohen vetëm në vitin 2025 dhe është në funksion të modernizimit të këtij kapaciteti shtetëror, i cili është me rëndësi kyçe për Republikën e Maqedonisë së Veriut”, shkruan Mevludin Avdiu.
Mevludin Avdiu
Alternativa Sllupçan
Alternativa Likovë
