Sekretari i përgjithshëm i Alternativës, Zeqirija Ibrahimi, në një postim në rrjetin social facebook, ka akuzuar zyrtarin e lartë të BDI-së, Artan Grubi, se ka nisur t’i vjedhë dyert e banesave.
“Më treguan fqinjët se këtë derë të hyrjes së banesës sonë e paska ndërruar Artan Grubi. Nuk di a është krejt e vërtetë, por nëse është, më duhet të them se kjo është vardisje ose synim për korruptimin e votuesve në fushatë elektorale.
Dera është ndërruar pa miratimin e Këshillit të Benesës. Le që dera e hyrjes sonë ka qenë ku e ku më e mirë se kjo, ka qenë derë hekuri, e bërë nga një banor i banesës, dhe nuk ka pasur asnjë arsye që të ndërrohet.
Duke besuar se këtë e ka bërë Artani, ndërsa ne e dimë se sa e ka rrogën një ministër dhe duke e ditur se ai nuk është deraxhinj, më duhet ta pyes publikisht se prej nga janë paratë e ndërrimit të dyerve të banesave në Çair?!
Dhe, tjetra: ku e ka shitur derën e hekurit që e kemi pasur? Sepse duam ta kthejmë atë derë.
Artan Çorapelarmi, nuk bëhet sajgi me para publike dhe nuk mund të lejojmë që dikush që krijon miliona prej kazinove të blejë vota në këso mënyre. Nuk bëhesh “derë” duke vjedh dyer.”, shkruan Ibrahimi.
